Print

ᓄᓇᕗᒻᒥ ᐃᖅᑲᖅᑐᐃᕕᒃ ᐅᓐᓂᕐᓗᕐᕕᖏᑦ

ᓄᓇᕗᒻᒥ ᐃᖅᑲᖅᑐᐃᕕᒃ ᐅᓐᓂᓗᕐᕕᖓ ᑐᑭᒧᐊᖅᑕᐅᔪᖅ ᐃᖅᑲᖅᑐᐃᔨᒧᑦ ᐳᕋᐃᓱᒧᑦ (ᐃᐊᑦᒪᑕᒥ ᐊᐅᐴᑕᒥ) ᐊᖏᔪᖅᑳᕆᔭᐅᓪᓗᓂ ᐃᖅᑲᖅᑐᐃᔨᓄᑦ. ᐃᖅᑲᖅᑐᐃᔩᑦ ᓄᓇᕗᒻᒥ ᐃᖅᑲᖅᑐᐃᕕᓕᕆᔨᒃᑯᖏᓐᓂ ᐊᒻᒪᓗ ᐃᖅᑲᖅᑐᐃᕕᓂᑦ ᐊᐅᐴᑕᒥ, ᓄᓇᑦᑎᐊᒥ, ᔫᑳᒥᓗ ᐱᔨᑦᑎᕋᖅᑐᑦ ᑕᕝᕙᓂ ᓄᓇᕗᑦ ᐃᖅᑲᖅᑐᐃᕕᒻᒥ ᐅᓐᓂᕐᓗᕐᕕᓂᑦ.

ᐊᔾᔨᒋᓐᖏᑕᖏᓪᓕ ᓄᓇᕗᒻᒥ ᐃᖅᑲᖅᑐᐃᕕᒻᒥ, ᓄᓇᕗᑦ ᐃᖅᑲᖅᑐᐃᕕᒻᒥ ᐅᓐᓂᓗᕐᕖᑦ ᒪᕐᕈᐊᖅᑎ ᐱᖓᓱᐊᖅᑎᓪᓘᓐᓃᑦ ᑭᓯᐊᓂ ᑲᑎᒪᖃᑦᑕᖅᑐᑦ. ᑲᑎᒪᔨᖏᑦ ᐃᖅᑲᖅᑐᐃᔨᐅᓪᓗᑎᑦ ᓈᓚᑉᐸᑦᑐᑦ ᐱᖓᓱᓂᑦ ᐃᖅᑲᖅᑐᐃᔨᓂᑦ ᑎᒃᑯᐊᖅᑕᐅᓯᒪᔪᓂᑦ ᐃᖅᑲᖅᑐᐃᕕᓕᕆᓂᕐᒥᑦ ᓄᓇᕗᑦ ᐃᖅᑲᖅᑐᐃᕕᒻᒥ ᐅᓐᓂᓗᕐᓂᕐᒥᑦ.

ᑭᓱᑐᐃᓐᓇᖅ ᐅᓐᓂᓗᖅᓴᖅᑐᖅ ᓄᓇᕗᑦ ᐃᖅᑲᖅᑐᐃᕕᒻᒧᑦ, ᐅᑯᐊᖑᓪᓗᑎᑦ ᓄᓇᕗᒻᒥ ᐃᖅᑲᖅᑐᐃᖃᑦᑕᖅᑐᑦ ᐊᐱᖅᓱᖅᑐᑎᑦ, ᐱᒻᒪᕆᐅᓂᖅᐹᒥ ᐱᕋᔭᔅᓯᒪᔪᓄᑦ ᑐᓂᐅᔭᖃᑦᑕᖅᑐᑦ ᐅᓐᓂᓗᖅᓴᖅᑐᓄᑦ ᓄᓇᕗᒻᒥ. ᑭᓯᐊᓂᓕ, ᐅᓐᓂᓗᖅᓴᖅᑐᖃᕐᓂᖅᑲᑦ ᐱᒻᒪᕆᐅᓐᖏᓂᖅᓴᒧᑦ ᑲᒪᒋᔭᐅᕙᑦᑐᑦ ᐃᖅᑲᖅᑐᐃᓂᐅᑉ ᐃᓗᐊᓂ ᓄᓇᕗᑦ ᐃᖅᑲᖅᑐᐃᕕᓕᕆᔨᒃᑯᑦ ᐃᖅᑲᖅᑐᐃᔨᖓᓐᓄᑦ ᐊᑕᐅᓯᑐᐊᕐᒧᑦ ᐃᖅᑲᖅᑐᐃᔨᒧᑦ ᐃᖅᑲᖅᑐᐃᕕᒻᒥ ᐅᓐᓂᓗᖅᓴᕕᒻᒧᑦ.