ᐱᓕᕆᕝᕕ
ᐃᖅᑲᖅᑐᐃᕕᓕᕆᔩᑦ ᐊᕕᖅᑐᖅᑕᐅᓯᒪᓂᐅᔪᑦ ᒪᓕᒐᓕᕆᔨᒃᑯᓐᓂᑦ. ᐃᖅᑲᖅᑐᐃᕕᓕᕆᔨᒃᑯᑦ, ᐱᓕᕆᕝᕕᖓᑦ ᐱᔭᑦᓴᖃᕐᐸᑦᑐᑦ ᐃᖅᑲᓇᐃᔭᕐᑎᖁᑎᒋᔭᐅᔪᓂᑦ ᐊᒻᒪᓗ ᐊᐅᓚᓂᕆᔭᐅᔪᓂᑦ ᐃᖅᑲᖅᑐᐃᓂᐅᔪᓂᑦ ᓄᓇᕗᒻᒥᑦ. ᑕᕝᕙᓂᓗ ᐃᓚᒋᔭᐅᓪᓗᓂ ᐊᐅᓚᓂᕆᔭᐅᓂᖓᑦ ᐊᒻᒪᓗ ᑲᒪᒋᔭᐅᑦᓯᐊᕋᓗᐊᕐᒪᖔᑦ ᓄᓇᕗᒻᒥᑦ ᓄᓇᓕᖕᓂᑦ ᐃᖅᑲᖅᑐᐃᓂᐅᔪᑦ. ᓄᓇᕗᒻᒥᑦ ᐃᖅᑲᖅᑐᐃᕖᑦ, ᒪᒃᑯᑦᑐᓄᑦ/ᐅᕕᒃᑲᕐᓄᑦ ᐃᖅᑲᖅᑐᐃᕖᑦ ᐊᒻᒪᓗ ᓄᓇᕗᒻᒥᑦ ᐅᓂᕐᓘᑕᐅᔪᓄᑦ ᐃᖅᑲᖅᑐᐃᕖᑦ. ᐱᓕᕆᕝᕕᐅᔪᖅ ᐱᔭᑦᓴᖃᕐᓂᖓ ᐊᒻᒪᓗ ᑲᒪᒋᔭᐅᒃᓯᐊᕋᓗᐊᕐᒪᖔᑕ ᐊᐅᓚᓂᖃᑦᓯᐊᕋᓗᐊᕐᒪᖔᑕ ᐃᖅᑲᖅᑐᐃᕕᒃᑰᕈᑕᐅᔪᑦ ᐃᓗᓐᓇᐃᓄᑦ ᐃᖅᑲᖅᑐᐃᕕᖕᓂᑦ ᓄᓇᕗᒻᒥᑦ. ᐱᓕᕆᖃᑎᖃᖅᓱᑎ, ᐃᖅᑲᖅᑐᐃᔨᓂᑦ, ᒪᓕᒐᓕᕆᔨᖕᓂᑦ, ᐃᖅᑲᓇᐃᔭᖅᑎᒋᔭᐅᔪᓂᑦ, ᐸᓖᓯᒃᑯᓐᓂᑦ, ᐱᖁᔭᓕᕆᔨᐅᔪᓂᑦ ᓄᓇᓕᖕᓂᑦ ᐊᒻᒪᓗ ᐃᓄᓕᒫᓂᑦ.
ᑕᕝᕙᓂ ᐱᓕᕆᔨᐅᕙᑦᑐᑦ ᐅᑯᐊᖑᕗᑦ ᑎᑎᕋᖅᑎ, ᐃᓚᒌᓄᑦ ᐊᒻᒪᓗ ᐱᕋᔭᖕᓂᐅᓂᕋᖅᑕᐅᔪᓄᑦ ᓇᕿᑦᑕᐃᔨᐅᓗᑎᑦ ᑎᑎᕋᖅᑏᑦ, ᐊᒻᒪᓗ ᐊᑎᓕᐅᖅᑎᖃᖅᓱᑎᑦ ᐃᖅᑲᖅᑐᐃᕕᖕᒥᑦ ᐱᓕᕆᐊᖃᒍᓐᓇᖅᑐᓂᑦ. ᑎᑎᕋᖅᑏᑦ ᑲᒪᒋᔭᖃᓲᖑᕗᑦ ᐊᐅᓚᓂᕆᔭᐅᔪᓂᑦ ᐃᖅᑲᖅᑐᐃᕕᒃᑰᕐᑐᕐᓴᓂᑦ ᓇᖅᑭᑕᐃᔪᓐᓇᕐᓗᑎᑦ ᓴᖅᑭᑕᒃᓴᐅᔪᓂᑦ, ᐊᒻᒪᓗ ᐱᔪᓐᓇᕐᓂᖃᕐᓗᑎᑦ ᐊᓪᓚᕕᒻᒥᑦ ᐸᐃᑉᐹᖅᑎᒍᑦ ᐊᑎᓕᐅᖅᑕᐅᔭᕆᐊᓕᕐᓂᑦ ᓄᓇᓕᖕᓂᑦ ᐃᖅᑲᖅᑐᐃᔨᐅᑉ ᐊᑎᓕᐅᔪᓐᓇᖅᑕᖏᓐᓂᑦ, ᐃᖅᑲᖅᑐᐃᓂᖃᕐᑎᓪᓗᒍᓗ ᐱᓕᕆᔨᒋᔭᐅᓪᓗᓂ ᐊᒻᒪᓗ ᐊᓯᖏᓐᓂᑦ ᐱᔭᒃᓴᖃᖃᑦᑕᖅᓱᑎᑦ. ᑎᑎᕋᖅᑏᑦ ᐊᐅᓪᓚᖃᑕᐅᓲᖑᕗᑦ ᓄᓇᕗᑦ ᐃᖅᑲᖅᑐᐃᕕᓕᕆᔨᒃᑯᖏᓐᓄᑦ ᓄᓇᓕᖕᓄᑦ ᐃᖅᑲᖅᑐᐃᒋᐊᖅᑐᕐᑎᓪᓗᒋᑦ ᓄᓇᕗᒻᒥᑦ. ᑎᑎᕋᖅᑏᓪᓗ ᐱᔪᓐᓇᕐᓂᖃᕐᓂᖏᓐᓄᑦ ᐊᑎᓕᐅᔪᓐᓇᕐᓂᖏᓪᓗ ᐱᓪᓗᒋᑦ ᓄᓇᓕᖕᓄᑦ ᐊᐅᓚᖅᓯᒪᒐᓗᐊᖅᑎᓪᓗᒋᑦ ᑲᔪᓯᔪᓐᓇᓲᖑᕗᑦ ᓄᓇᓕᖕᓃᒃᑲᓗᐊᖅᑎᓪᓗᒋᑦ ᑕᐃᒫᑎᒋ ᓴᙱᓂᖃᕐᓗᑎᑦ ᑲᔪᓯᒍᓐᓇᑦᓯᐊᓲᑦ. ᑎᑎᕋᖅᑏᓪᓗ ᐱᔭᒃᓴᕆᕙᑦᑕᖏᑦ ᐃᖅᑲᖅᑐᐃᕖᑦ ᑲᔪᓯᓂᖃᑦᓯᐊᒐᓗᐊᕐᒪᖔᑕ ᐃᖃᓗᖕᓂ.