ᐱᕋᔭᓐᐅᓂᕋᖅᑕᐅᔪᓄᑦ ᐊᕕᖅᑐᓯᒪᓂᐅᓂᖏᑦ
ᐅᓇ ᐱᓕᕆᕕᐅᔪᖅ ᐱᕋᔭᓐᓂᐅᓂᕋᖅᑕᐅᓂᕐᓄᑦ. ᐱᖁᔭᖅ C-57 ᐱᔪᓐᓇᕐᓂᖅᑖᕐᑎᑦᓯᓯᒪᒻᒪᑦ ᐊᔾᔨᐅᖏᑦᑐᒥᑦ ᐊᐅᓚᓂᖃᒍᓐᓇᕐᓂᐅᔪᒥᑦ ᒪᕈᐃᓕᖓᔫᓐᓂᑦ ᖃᓕᕇᓪᓗᑎᑦ ᐊᑕᐅᓯᕐᒥᑦ ᐃᖅᑲᖅᑐᐃᕕᓕᕆᓂᐅᔪᒥᑦ. ᐊᖅᑭᒋᐊᖅᑕᐅᓪᓗᑎᑦ ᓇᓕᒧᓕᖅᑎᑕᐅᓂᒃᑯᑦ ᖁᑦᓯᓐᓂᖅᓴᒃᑯᑦ ᐃᖅᑲᖅᑐᐃᓂᐅᕙᑦᑐᑦ ᑕᕝᕙᓂᑦᓴᐃᓐᓇᖅ ᐱᓕᕆᐊᕆᔭᐅᔪᓐᓇᕐᓗᑎᑦ ᖁᓕᕇᒃᑲᓗᐊᖅᑎᓪᓗᒋᑦ ᐊᒻᒪᓗ ᑕᐃᒪᐃᓐᓂᖓᓐᓄᑦ ᐱᔪᓐᓇᕐᓂᐅᔪᓂᑦ ᐱᔭᑦᓴᖃᑎᑦᓯᔪᓐᓇᑎᖅᑕᐅᓪᓗᑎᑦ ᓄᓇᓕᖕᓂ ᐃᖅᑲᖅᑐᐃᔨᐅᔪᑦ.
ᓄᓇᕗᒻᒥᑦ ᐃᖅᑲᖅᑐᐃᕕᓕᕆᔨᒃᑯ, ᐃᖅᑲᖅᑐᐃᕕᓪᓚᑦᑖᖑᒻᒪᑦ, ᐱᓕᕆᐊᖃᖃᑦᑕᓲᖅ ᐱᕋᔭᓐᓂᐅᓂᕋᖅᑕᐅᔪᓕᒫᓂᑦ, ᐃᓅᖃᑎᒋᓐᓄᑦ ᐃᓚᒌᓐᓄᓪᓗ ᑲᒪᒋᔭᐅᒋᐊᓕᓐᓂᑦ. ᐅᕕᒃᑲᕐᓄᑦ ᐃᖅᑲᖅᑐᐃᕕᐅᕙᒻᒥᔪᖅ ᓄᓇᕗᒻᒥᑦ ᐊᒻᒪᓗ ᐱᓕᕆᐊᖃᖅᐸᒻᒥᔪᖅ ᑐᑦᓯᕋᐅᑎᐅᔪᓂᑦ ᐃᓱᒪᓕᐅᕈᑎᒥᓂᐅᔪᓂᑦ ᐃᖅᑲᑐᐃᔨᓄᑦ ᓄᓇᓕᖕᓂᑦ ᐊᒻᒪᓗ ᐊᓯᖏᓐᓂ ᐃᓱᒪᓕᐅᖅᑎᐅᕙᑦᑐᓂᑦ ᖃᐅᔨᓴᕐᓂᐅᔪᒃᑯᑦ ᑎᓕᓯᔾᔪᑎᐅᔪᓂᑦ ᓯᖅᑯᒥᑦᓯᖏᒃᑲᓗᐊᕐᒪᖔᑕ.
ᑕᒪᒃᑮᒃ ᐃᓅᖃᑎᒌᓐᓄᑦ ᐱᕋᔭᓐᓂᐅᓂᕋᖅᑕᐅᔪᓄᓪᓗ ᐱᓕᕆᐊᕆᔭᐅᓪᓗᑎᑦ ᐱᓕᕆᔨᐅᔪᓄᑦ ᐃᖅᑲᖅᑐᐃᔪᖃᓚᐅᑎᓪᓗᒍ ᑲᒪᒋᔭᐅᕙᑦᑐᑦ ᑕᒫᓂ.
ᓄᓇᕗᒻᒥᑦ ᖁᑦᓯᓐᓂᖅᓴᒃᑯᑦ ᐃᖅᑲᖅᑐᐃᔩᑦ: ᓈᓚᑉᐸᑉᐳᑦ ᐅᓂᕐᓘᑕᐅᔪᓂᑦ ᓄᓇᕗᑦ ᐃᖅᑲᖅᑐᐃᕕᓕᕆᔨᒃᑯᓐᓃᖔᖅᑐᓂᑦ
ᓄᓇᕗᒻᒥᑦ ᐃᖅᑲᖅᑐᐃᕕᓕᕆᔨᒃᑯᑦ: ᑲᑎᖅᓱᑎᑦ ᖁᑦᓯᓐᓂᖅᓴᐅᔪᑦ ᐱᒻᒪᕆᐅᖏᓂᖅᓴᐅᔪᓪᓗ ᐊᑕᐅᑦᓯᒥᑦ ᑲᒪᒋᔭᐅᕙᑉᐳᑦ. ᓈᓚᓐᓂᖃᓲᖑᕗᖅ ᐱᕋᔭᓐᓂᐅᓂᕋᖅᑕᐅᔪᓂᑦ ᐃᓐᓇᔅᓴᓄᑦ ᐅᕕᒃᑲᕐᓄᓪᓗ, ᐃᓅᖃᑎᒌᑦ ᐃᖅᑲᖅᑐᐃᑎᓪᓗᒋᑦ, ᐃᓚᒌᓪᓗ ᑲᒪᒋᔭᐅᑎᓪᓗᒋᑦ, ᐅᓐᓂᕐᓘᑕᐅᔪᑦ ᐱᒻᒪᕆᐅᖏᓂᖅᓴᒃᑯᑦ ᑕᕝᕘᓇ ᑲᒪᒋᔭᐅᕙᒻᒥᔪᑦ, ᐱᒻᒪᕆᐅᓂᖅᓴᒃᑯᑦ ᐱᒻᒪᕆᐅᖏᓐᓂᓴᐅᔪᒃᑯᓪᓗ
ᓄᓇᓕᖕᓂ ᐃᖅᑲᖅᑐᐃᔩᑦ: ᓈᓚᔪᓐᓇᓲᖑᕗᑦ ᐱᒻᒪᕆᐅᖏᓂᖅᓴᒃᑯᑦ ᑲᒪᒋᔭᐅᔪᓂᑦ ᐱᔭᕆᐊᑭᑦᑑᑎᓂᓪᓗᑦ ᐱᓗᐊᖏᑐᐊᕈᑎ ᐱᕋᔭᓐᓂᐅᓂᕋᖅᑕᐅᔪᓂᑦ ᐃᓚᖏᑦ, ᐊᑦᓱᐊᓘᓗᐊᖏᑦᑐᑦ ᐊᓐᓂᖅᓯᕆᓃᑦ.
ᓄᓇᓕᖕᓂᑦ ᐱᖁᔭᓕᐅᖅᑏᑦ ᐃᖅᑲᖅᑐᐃᕕ (ᐱᖁᔭᕋᓛᓕᕆᔩᑦ): ᐱᒻᒪᕆᐅᖏᓂᖅᓴᒃᑯᑦ ᐱᖁᔭᕋᓛᓕᕆᓂᕐᒧᑦ ᓯᖅᑯᒻᒥᑦᓯᒍᑕᐅᔪᑦ ᐅᕘᓈᖅᐸᑦᑐᑦ. ᓄᓇᓯᐅᑏᑦ ᐱᖁᔭᕋᓛᖏᑦ ᓈᓚᑦᑕᐅᑎᓐᓇᒋᑦ ᓄᓇᓕᖕᓂ ᐃᖅᑲᑐᐃᔨᒧᑦ ᑲᒪᒋᔭᐅᕙᑦᑐᑦ.